J3Tvkannada.in
ಧಾರವಾಡ: ಎಲ್ಲವೂ ಯೋಜನೆಯಂತೆ ನಡೆದಿದ್ದರೆ, ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ, ದತ್ತಾತ್ರೇಯ ರಾಮಚಂದ್ರ ಬೇಂದ್ರೆ (ದ ರಾ ಬೇಂದ್ರೆ) ಅವರ ಆಯ್ದ ನಾಟಕಗಳು ಯುನೈಟೆಡ್ ಕಿಂಗ್‌ಡಂ, ಲಂಡನ್‌ನಲ್ಲಿರುವ, ಶೇಕ್ಸ್‌ಪಿಯರ್ ಸಭಾಂಗಣದಲ್ಲಿ ಅಂತರರಾಷ್ಟ್ರೀಯ ವೇದಿಕೆಯಲ್ಲಿ ಪ್ರದರ್ಶಿಸಲ್ಪಡುತ್ತಿದ್ದವು.
ಖ್ಯಾತ ಕವಿಯ ಭಾವಚಿತ್ರಗಳು, ಕವನಗಳು ಮತ್ತು ಬರಹಗಳ ಮೂಲಕ ಅವರ ಪರಂಪರೆಯನ್ನು ಜೀವಂತವಾಗಿಡಲು ರಾಜ್ಯ ಸರ್ಕಾರವು ಡಾ. ದಾ ರಾ ಬೇಂದ್ರೆ ರಾಷ್ಟ್ರೀಯ ಸ್ಮಾರಕ ಟ್ರಸ್ಟ್ ಅನ್ನು ರಚಿಸಿಲಾಯಿತು. ಟ್ರಸ್ಟ್ ಅಧ್ಯಕ್ಷ ಡಿ.ಎಂ. ಹಿರೇಮಠ್ ರವರಿಂದ, ಬೇಂದ್ರೆ ನಾಟಕೋತ್ಸವವನ್ನು ಆಯೋಜಿಸಲು ಸರ್ಕಾರಕ್ಕೆ 25 ಲಕ್ಷ ರೂಪಾಯಿಗಳನ್ನು ಬೇಡಿಕೆ ಇಡಲಾಗಿತ್ತು. ಅಂದಿನ ಸರ್ಕಾರವು ತಾತ್ವಿಕವಾಗಿ ಈ ಯೋಜನೆಗೆ ಅನುಮೋದನೆ ನೀಡಿತ್ತಾದರೂ, ಹಣವನ್ನು ಮಂಜೂರು ಮಾಡಿರಲಿಲ್ಲ. ಅಂದಿನ ಬಿಜೆಪಿ ಸರ್ಕಾರವಾಗಲಿ ಅಥವಾ ಈಗಿನ ಕಾಂಗ್ರೆಸ್ ಸರ್ಕಾರವಾಗಲಿ, ನಿಧಿ ಮಂಜೂರು ಮಾಡುವಲ್ಲಿ ಆಸಕ್ತಿ ತೋರಿಸಲಿಲ್ಲ ಎಂದು ತಿಳಿಸಿದರು.
ಇತ್ತೀಚೆಗೆ ಟ್ರಸ್ಟ್ ಬೇಂದ್ರೆಯವರ 125 ನೇ ಜನ್ಮ ದಿನಾಚರಣೆಯನ್ನು ಆಚರಿಸುತ್ತಿದ್ದಂತೆ, ಸಾಹಿತ್ಯ ಪ್ರೇಮಿಗಳು ರಾಜ್ಯ ಮತ್ತು ಮಹಾನಗರಗಳಲ್ಲಿ ಮಾತ್ರವಲ್ಲದೆ ಲಂಡನ್‌ನಲ್ಲಿಯೂ ಬೇಂದ್ರೆಯವರ ನಾಟಕಗಳನ್ನು ಪ್ರದರ್ಶಿಸಲು ಟ್ರಸ್ಟ್‌ನಿಂದ ಪ್ರಭಾವಿತವಾಗಿದ್ದಾರೆ. ಇಂಗ್ಲೆಂಡ್‌ನಲ್ಲಿರುವ ಅನಿವಾಸಿ ಕನ್ನಡಿಗರು ಈ ನಾಟಕ ಪ್ರದರ್ಶನಕ್ಕೆ ಸಹಾಯ ಮಾಡಲು ಒಪ್ಪಿಕೊಂಡಿದ್ದಾರೆ. ಆದರೆ, ಟ್ರಸ್ಟ್ ಕೇವಲ ಅನಿವಾಸಿ ಭಾರತೀಯರ ಭರವಸೆಯನ್ನು ಮಾತ್ರ ಅವಲಂಬಿಸಲು ಸಾಧ್ಯವಿಲ್ಲ. ಕಲಾವಿದರಿಗೆ ತರಬೇತಿ ನೀಡಿ ಇಂಗ್ಲೆಂಡ್‌ಗೆ ಕರೆದೊಯ್ಯಲು ಬೇಕಾದ ಮೊತ್ತ ತುಂಬಾ ದೊಡ್ಡದಾಗಿದೆ. ಆದ್ದರಿಂದ, ಟ್ರಸ್ಟ್ ಸರ್ಕಾರಕ್ಕೆ ಹೊಸ ಪ್ರಸ್ತಾವನೆಯನ್ನು ಸಲ್ಲಿಸ ಬೇಕಿದೆ, ಎಂದು ಹಿರೇಮಠ್ ಮಾಹಿತಿ ನೀಡಿದ್ದಾರೆ.
