ಉಡುಪಿ: ನಾನು ಬಾಬಾ ರಾಮ್‍ದೇವ್ ಶಿಬಿರದಲ್ಲಿ ತರಬೇತಿ ಪಡೆದ ಯೋಗ ಪಟು. ನಾನು ನನ್ನ ಪತಿ ಹಾಗೂ ಕುಟುಂಬದವರೆಲ್ಲ ಯೋಗ ಮಾಡುತ್ತೇವೆ ಎಂದು ಸಚಿವೆ ಲಕ್ಷ್ಮಿ ಹೆಬ್ಬಾಳ್ಕರ್ ಹೇಳಿದ್ದಾರೆ.
j3tvkannada
ಉಡುಪಿಯಲ್ಲಿ ಅಂತಾರಾಷ್ಟ್ರೀಯ ಯೋಗ ದಿನಾಚರಣೆ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಈ ವೇಳೆ, ವಿದ್ಯಾರ್ಥಿಗಳೊಂದಿಗೆ ಯೋಗ ಅನುಭವವನ್ನು ಹಂಚಿಕೊಂಡಿದ್ದಾರೆ. ನನ್ನ ತಂದೆ ತಾಯಿ ಸಹ ಯೋಗ ಮಾಡುತ್ತಿದ್ದರು. ತಾಯಿಯ ಪ್ರೇರಣೆಯಿಂದ ಯೋಗ ಮಾಡುತ್ತಿದ್ದೆ. ಈಗ ಅಪಘಾತದ ಬಳಿಕ ಬೆನ್ನು ಹುರಿ ಸಮಸ್ಯೆಯಾಗಿ ಯೋಗ ಮಾಡಲು ಸಾಧ್ಯವಾಗುತ್ತಿಲ್ಲ ಎಂದಿದ್ದಾರೆ.
ನಾವು ಅಕ್ಕತಂಗಿಯರು, ತಾಯಿ ಒಟ್ಟಿಗೆ ಕುಳಿತು ಯೋಗ ಮಾಡುತ್ತಿದ್ದೆವು. ಯೋಗ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ. ಬಾಬಾ ರಾಮ್‍ದೇವ್ ಅವರ ಐದು ಶಿಬಿರಗಳಲ್ಲಿ ನಾನು ಭಾಗಿಯಾಗಿದ್ದೆ ಎಂದಿದ್ದಾರೆ. ಬಿ.ಆರ್. ಪಾಟೀಲ್ ಆಡಿಯೋ ವಿಚಾರವಾಗಿ, ಈ ಬಗ್ಗೆ ನಾನು ಯಾವುದೇ ಪ್ರತಿಕ್ರಿಯೆ ನೀಡಲು ಬಯಸುವುದಿಲ್ಲ ಎಂದು ಮೂರು ಬಾರಿ ಪುನರುಚ್ಚರಿಸಿದ್ದಾರೆ.
